|
Chista è la terra di Cola Pisci,
ca visti genti di tutti li razzi,
di ccà passanu Dei, passanu Giganti
e pì finìri macari li bricanti.
E tuttu si fìci cù sta filusufia
Ca chista e la terra chiù bedda ca ci sia.
Lu suli e lu mari fanu di curnici,
a sti paisaggi davvero filici;
cu nun ci cridi vinissi a talari
li frutti spiciali di sti terri patticulari.
Nun circari luntanu, cca trovi tuttu
A purtata di manu.
‘Nta sti terri ginirusi
c’è a storia di l’umanità e di li so usi:
Arabi, Francisi e Spagnoli
Vinniru ‘ccà e ficiru figghioli,
na stu frattempo si misunu a chiantàri
alivi, aranci e ficurinia,
ca arrivavunu finu a mari.
Li stiddi di la notti ispiravunu lu carritteri,
ca cantava cu lu cchiù pi li sentieri.
Ma quannu la zagara fici lu so effettu,
li menti si annibbiaru e cumincianu a parrai lu
dialettu.
Lu ciàuru di li ciùri nun si potti ammucciari
E divintò di fama ‘ntirnaziunali.
E lu spriveri, do mungibeddu maistusu,
è patroni di ogni vadduni;fui;fui;;
scammuceddu ca se ti pigghia
di tia si po’ scuddari la to famigghia.
E propia supra la gran montagna,
ci sunu macchi di cerza, vitiddu, fau e macari
castagni,
ca fannu voschi di natura capricciusa
ca quannu chiovi scoppia furiusa;
signuri, ciuri di milli culura,
c’è lu focu nà sta terra bruna nu veru trionfu
di natura.
Su virdi li so valli è virdi la collina,
l’armentu mangia e vivi l’acqua cristallina
la carni è genuina;
signori mei, sta terra e fantastica,
unni vi vutati e unni vi furriati
viriti cosi ca nun v’ammaginati,
la manu lu Signori ci misi,
pì putiri fari accussì beddu stu paisi.
Si chiama Sicilia sta terra bedda
E iù l’amu comu se fussi ‘na suredda.
|
