|
'N trenu ca
parti
ppe' strati ddo' munnu,
è terra virdi siciliana
ca crisci à la stranìa
culuri 'i spiranza
di figghi di st'Isula
ca vonu turnari - 'n jornu -
'o vintri 'i matri.
Chi distinu disgrazziatu:
Clandestini ca sbarcanu
'nta' n'America ca nun c'è
e picciotti siciliani
ca partunu ppi ghiri unni jè gghiè...
Sicilia, vita mia
fa ca sta terra virdi
duna 'i so' frutti ccà,
unni 'u suli nn'abbrucia 'a peddi
e lu ventu trasi 'nte' casi
unni 'u mari canta canzuni
e 'a luna 'a sira adduma l'amuri |
