No so vadduni
sa riposa comu na nu lettu
Atturniatu ri ranni mpigni profumati, accussì
pirfettu.
Li antichi resti di lu casteddu,
talianu custanti su stu paiseddu,
e li so strati, tutti in petra nivira,
purunu ammitarici a camminari,
sicuri ri nun ni fari sciddicari.
Rannissima a cupula di S. Antoniu compari,
e ri tantu iautu cu tantu amuri e prutizioni,
sta attenta a talari.
Assai sunu i scalena ra ‘cchianari
Ma rannu ‘na cuntintizza ranni ri nun paragunari.
Taliannuli da chiazza Toselli
Parunu nun finiri mai, ma sempri chiù beddi.
Tutti li strati, li arcati, li chiazzi,
chiazzitti e li scalinati sunu r’ammirari,
na chistu paisi nicu e midiuvali.
Certu nun ci sunu grattacieli e monumenti ri
talari,
ma a naitri cu vasta a chiazza re canali.
Pi tutti e nu locu ri ‘ncontru,
spiciarmenti pì l’anziani ca assettati o a
laminari,
s’addivvettunu a parrai
e la sira, stanchi, si ni tornunu pà casa senza
nenti a riurdari.
Chista è a vita ri sti paiseddi,
salutarici sempre cu li vicineddi.
U sicretu stà no spirici campari filici e n’
allegria
E stari sempre cu tanta compagnia. |