|
Quannu curri
appressu na fimmina
è a fini ro munnu!
Su ti talia, cantinu li passareddi,
riri lu suli ‘n cielu, l’erba pari chiù virdi
e spuntinu li ciuri macari supra i petri.
Ma su ppi casu idda nun ti scumponi,
lu cielu subbitu s’annìula,
lu suli s’agghiutu ammucciari
li passareddi ri bottu s’azzittenu,
li ciuri tutti sdisiccanu
e lu virdi forti ri prima…
ora è sulu giallu mortu!
Ro pararisu o ’nfernu u viaggiu è curtu
e a fimmina ci fa ri porta.
Signuruzzu beddu,
picchì ci rasti tutta sta putenza:
ri fari beddu e bruttu tempu?
ri scatinari ’n cori
a fini ro munnu?
|
