|
Erunu a chianu
terra li casitti
ca si nincia u prazzu e s’arrivava ne tetti.
Buon usu ni facevunu
ficu sicchi e mustata ci asciuvavunu.
Li casi nichi bastavunu
e li ligna ravanti a porta si tinevunu
pi fari focu sutta a pignata
e pighari u luci pi la conca a palittunata.
Cu na tannura si cucinava tuttu,
picchì era sempri, sulu nu primu piattu.
Macari li iaddini tinia lu puvireddu
aspittava ca facia l’ovu, pi canciallu cu lu
rucchieddu.
Nu sulieri aviunu tutti i casi
facia di maiazè e di autri cosi.
Na naca pi lu picciriddu
si cunsava, supra o lettu
ca quannu ciancìa s’annacava.
Perciò sintiti lu pruverbiu,
a casa capa quantu voli u patruni. |
