|
Iu siciliana, e precisamente palermitana, sugnu,
e amu a terra mia cu tutti i so cuntrasti.
Terra arsa da cucenti soli,
c’ammostra li so ossa cu li spaccaturi,
co’ so muntagni brulli e i mennuli ciuruti.
Terra china d’amuri e di duluri,
terra china di ricchizzi e di miserie.
Buccheri, no, nun la canuscia…., virilla
e ‘nammurarimminni, fu un tutt’unu.
L’aria avi nu ciauru spiciali,
lu cantu di l’aceddi u core ti rallegra,
a genti, appoi, è curdiali e sorridenti
e tuttu chissu, ti fa sentiri ‘n paci cu lu
munnu.
Ma sapiti qual è a cosa strana?
Cu a me famigghia i casi n’accattammu,
e quannu, cu a Buccheri nun ha jutu
e n’contra ‘nvece cu c’ha statu,
ci dici a iddu: “Hai a facci ri Buccheri!”
Ca veni a diciri “Ti viru sirenu e rilassatu!”
|
