A ‘nnammurata mia
Author: Orazio Miracula
 

ELENCO POESIE

Si chiama puisia
Nasci ‘nta li righi
crisci com ‘e spighi
S’abbivira d’acqua naturali
Si la tocchi nun’fa mali
Parra ‘e cori malati
infilici e sfortunati
sempre ccu curtisia
ccu gghiustizzia e fantasia
E’ nnimica re putenti
re latruni e priputenti
‘Nzocca vuddi ‘nta pignata
idda u sapi di vulàta
e ti manna nu missaggiu
di speranza e di curaggiu
Sempri viva, sempri amica
puri cuannu pari antica
mi fa bbedda cumpagnia
in’saluti e ‘nmaladdia
Nun’ canusci tradimentu
Mancia sulu sentimentu
Mai si vesti di gran lussu
e nun’ storci mancu u mussu
Cuannu appui ‘a scrivu iu
u piaciri è tuttu miu
picchì ‘nciusu no mo cori
stu pinzieru ca nun’ mori