|
Si sugnu
luntanu
mi sentu nfilici,
mi sentu pirdutu,
mpazzutu, finutu,
nun’haiu rizettu
nun pensu c’a tia
e mmiru l’ura
i putiri turnari.
Si sugnu luntanu
iu portu cu mia
nta lu me cori
u to suli, u to mari,
e a to muntagna,
cu du coccia i nivi,
facciola e nfami
ca riri cu tia.
Si sugnu luntanu
o tirruzza mia
sentu ca sugnu
mpizzuddu di tia,
sentu u me cori
ca scoppia pi tia,
ca si a matri bedda
ca si a matri mia. |
