|
A strata è
lonca e stancanti
Quann’è ca pozzu riviriri a tia?
Quannu taliari l’occhi toi chini ri lacrimi
Nasciri rintra i mei accussi filici!?
U ciauru ri l’erba virdi e re fusceddi
Trasi no me corpu addummisciutu
E cchiù trasi e cchiù mi teni stritttu
M’invaghisci ri tormentu e ri disìu
A menta, a nipitedda, a salvia
Na truscia ri ciauru stritta e allicchittata
M’ammalìa duci e mi porta finu a tia
U granu scintillanti si spinci lentu
Passatu ro ventu c’accarizza u so cuscinu
Comu li to manu iu vulissi ‘n contru a mia
U sonnu m’arrusbigghia ‘nta nu tempu cunfusu
e tu si ‘nta l’aria ca tantu mi disìa! |
