|
Fermiti ‘n
mumentu e talia stu celu
‘nta sta nuttata limpida e mistiriusa!
Pari ‘n mantu di villutu ricamatu di stiddi
bbrillinu comu petri priziusi
si specchiunu ‘nta lu mari argintatu
‘lluminatu da ‘n raggiu di luna,
comu na fimmina baggiana
ca si vanta di li so bbiddizzi.
Sutta stu manto
chi cosi rari!
E’ nu spittaculu sta terra nostra!
Accarizzata di lu mari,
abbrazzata di li muntagni
li virdi vallati rispirinu vita.
Isula o continenti
nun cancia nenti,
è dintra lu nostru cori
è ciatu di la nostra vita.
Si perdi ‘nta notti di li tempi
la storia ca la fici accussì ricca
libbera e ‘ndipindenti.
Ricca d’amuri e di duluri
d’eroi e combattenti.
Pi essiri accussì granni
quantu suspiri e chianti …!!! |
