|
Lu forti cauru
ro dui ri luglio,
tuttu ‘nsemmula calmau.
S’avia misu a chioviri...forti, ma pi picca
tempo.
Lu cielu s’inchiaria e u suli tramuntava.
Migghiara d’aceddi, aciddazzi, acidduzzi,
tutti ‘nsemmula, all’impruvviso, si miseru a
vulari,
piulannu, stridennu, ammucciannu u cielu.
Ora, sempri ‘nsemmula, si ievanu a ripusari,
supra li tetti di vecchi casi abbannunati,
ddoppu arripigghiavanu a vulari e ievunu
supra u tettu da Matrici.
C’eranu merri, cudirussuni,passareddi,
corvi, sturneddi, ririneddi e tanti autri,
e u cielu, fra iddi, si viria appena.
Poi u suli calau e vi fu scuru e silenziu.
Na cosa come a chista non s’arripitutu chiu’.
Taliu u ciuelu e viru i soliti acidduzzi.
Stu tramontu ‘nsolutu
È statu nu rialu
Di dda majara ca è Buccheri. |
