|
-Ciccu camina,ca’
stamu arruvannu-
ci dissi lu carrettieri a lu’ sceccu.
-E’ facili parrari- ci rispunniu lu sceccu,
-pi vui ca siti assittatu, mentri iu na’ la
cchianata,tiru lu carrettu tuttu lu iornu.-
-Caru Ciccu- chista è la vita, cu li so’ vistita,
ognunu quannu nasci vesti lu so vistitu
pi tutta la so’ vita, cussì
c’è cu nasci sceccu e cu nasci patruni,
nun l’agghia nvintatu iu stu’ iocu, ognunu
si vesti cu’ lo so’ vistitu , chiddu c’aviemu
ncumuni è sulu la vecchiaia, ni stamu
avvicinannu
a la fini di la vita e sai pi mia tu si
furtunatu,
pirchì a lu’ macellu tu ci vai cu li to’ piedi,
puoi nu’ curpiddu e pi tia tuttu finisci,
pi mia nveci c’è lu turmientu, se finisciu
na funnu di liettu,comu mpiezzu di lignu,
su guai, aspittannu la morti ca’ nun veni,
pirchì
na’ la vecchiaia li midicini pi’ campari ci sunu,
nun ci sunu chiddi pi’ guariri.- |
