|
Assittatu ‘nti ‘na petra ranni,
ranni macari iù,
viru ‘u cielu ca è tuttu iampi
quannu tracodda ‘u suli a Tarrabbuòu.
‘U maìsi friscu pari ca jetta sancu.
Statui di vacchi si manciunu ‘u scrùsciu
de’ campanazzi ‘o coddu, ammenzu l’erba.
Milli ucieddi s’annacunu ‘nta l’aria,
cantannu l’urtima canzuni
all’urtimu suli da’ jurnata
e a li nìuli mafiusi, pitturuti e russi com‘o strattu.
Chiù sutta ‘u sciummi ranni
si porta appressu i petri sdillavati,
e si trascina macari i ma’ pinsieri.
‘Nta terra de’ buoi ura nun c’è nuddu,
ma viru ‘n puntinu russu ‘nta trazziera:
‘na machina! Porca buttana, e cu ci ‘a porta?
E ‘a cancellu sùbbutu, ca gomma.
E luntanu sentu abbaiari cani,
ca mi dìciunu ca iù giustu ha fattu.
Tanino Cannata, 2007
|
