Parrari di Bucchieri e commu ballari senza
musica,
perdi u ritmu do tempu e ti lasci trascinari de
pinzieri.
E p’amuri di putiriti aggiustari n’ti l’unna de
sintimenti,
t’accuvacci n’ti na naca cu iddu, e pinnulii n’ta
fantasia, liggieru liggieru.
N’ta stari u suli brucia i petri di n’munti, ca
dormi a sonnu chinu.
Munti ca nun t’ha dau mai nenti,
sulu terra di crita , e petri purciliati,
unni i iermi fanu niri e purtusi a tutti bbanni.
A sira l’aria arrifrisca, po riposu da nuttara,
e n’to mmernu a nieggia ancupuna i tetti
ca parrunu di cosi assai luntani,
di storie mai successi,
di fatti strani o veri : Cu sa ?
Ma su fermi dda,
anchiuvati n’to cuori da ggenti c’aspettunu a
virità
|