Nun si lamintava nuddu ca erunu m’pirtusu
E s’abbitava reci intra nu dammusu
C’era macari a sciccaredda
E po latti na picuredda
‘mpirtusati sutta o furnu e tanti amurusi
Iaddini e cunigghi pi tutti li usi
Ova, carni e u iadduzzu ‘po cinu ri San Giuvanni
Ca a fini ra stati è festa assai ranni
Picca c’era e nuddu si lamintava
E rispiettu a Santi e Cristani si purtava
Ora c’e bunnanza e i casi sunu ranni assai
Ma chi n’a fari se manca u rispiettu e ci sunu
tanti vai
Nun c’è paci e nun c’è famigghia ca sunu cosi
principali
C’eni ‘miria odiu e tantu gran mali
E u Signuri nun po’ fari autru ca taliari
Comu a so criatura, u munnu si finiu d’ammuccari
|