|
Poviru
dialettu sicilianu
‘ncriminatu, sturpiatu, dimenticatu
Poviru dialettu nustranu
scanusciutu, scunfissatu, alluntanatu.
Lu giovini s’affrunta di parrari
Sta lingua antica , cciù ca siculari
I nuostri nanni n’anzignarru
Pitrè, Verga, Marinu l’eternarru
Cu ddi versi i puisìa
Scritti senz’acunumìa
Ri culuri e fantasìa
Pi sta bedda terra mia!
‘Nta li scoli li maistri
nun’ci ll’hannu ne riggistri
Tutti vuonu l’italianu
Nuddu penza o sicilianu!
Eni ùsu ‘nte famigghi
Lu rimproviru a li figghi
Ca parrari vuonu, invanu,
stu dialettu isulanu!
Gnurantùni i terza manu
Sunu contra u sicilianu
Mentri tutti ‘ncuntinenti
Nun’s’affruntinu ppi nnenti
Di discutiri ‘ndialettu
Ro scarparu a lu prifettu!
Nunn’è signu di cultùra
Rinnigari a nascitùra
U passatu ra mimoria
Va tinutu comi glòria
‘nte campagni e ‘nte città
picchi è donu i civiltà!! |
