|
Biata sta
matri terra,
ca ‘nmienzu o mari nuostru
accarizza, mentri lu sutterra,
u cuorpu amatu di lu patri nuostru.
Lu vientu ca movi di punenti,
mentri u munti catanisi adduma,
nun’ci po fari nenti
sulu u mari scoti e jetta scuma.
U suli ardenti coci li cirvedda
ma lu frummientu crisci e s’anzimmola.
Lu viddanu a li vrazza spedda.
Piccatu. mischinu, ca nun’ avi scola.
Scapisata cciù i na vota
nun’na trova mai rizziettu.
Pari ca si svigghia e si rivota
ma eni sempri ‘nto so liettu.
U curagghiu ccu lu suonnu non si spusa
ne mancu a libittà si lu marita.
Pi chistu ti dicunu mafiusa
Pi chistu ti levinu la vita! |
