|
Avi dieci anni
ca’ si sutta la balata,
matruzza mia, lu to’ ricordu nun
s’appanna mai, si comu n’angilu biancu,
comu na’ lumera ca’ fa luci na’ la notti scura.
Iu ti sientu ca’ si sempri vicinu a mia,
mi pruteggi e mi cunsigghi, na’ li mumenti
quannu sugnu scunsulatu, pari ca mi dici
-figghiu miu la vita è fatta di zuccuru e d’acitu,
picca è lu zuccuru e assai l’acitu,
priamu sempri lu Spiritu Santu
ca’ ni duna lu curagghiu pi tirari avanti-.
Quannu sugnu stancu mi dici ca’ l’uommunu na’ la
vita è
comu lu suli di lu iornu,la matina è lientu,
ma puoi ‘nforza pianu pianu e a lu’ menziornu
è putenti, comu l’uommunu na’ la picciuttanza,
poi però pigghia la calata e allenta a picca a
picca
finu ca’ mori a lu punenti.
La nostra vita è nu gghiommuru chinu di
ruppa, ca’ lu distinu ogni iornu sbrogghia,
di lu principiu finu a la fini.
Sbrugghiannu sbrugghiannu li gghiommira
ogna tantu s’anggrigghiunu e lu distinu allura
cu’ la fuorbici tagghia. |
