|
Niputi mia,
ti vuogghiu diri du cosi,
tantu pi parrari:
ti vuogghiu ricurdari
ca a vita è amuri,
qualunqui cosa tu fai.
Sia ca talii u suli ca nasci
o a luna ca llumina
i tetti di ncasa tua,
sia ca viri
nu carusittu ca cari
e puoi si metti a ririri
quannu sa mamma u pigghia
e bacia u ginocchiu ca s’ha sgraggiatu,
a vita è amuri.
Quannu na vicchiaredda ti talia
commu si virissi nu Bammineddu
ca ci riri, o ci dà a manu
pi falla passari na strata
cu i machini ca currunu,
a vita è amuri.
Ogni picculu gestu
ca facimmu tutti,
ca ci fa amari
cu sta vicinu a niautri
è amuri,
picchì a vita stissa
è amuri!
Nun tu scurdari mai. |
