|
Eri nica nica
Quannu acchianasti supra a lu vapuri
Ca ti purtava all’’atru latu ro mari.
Ora curri ni na città ranni
Assettati nu minutu e chiuri l’’occhi.
U senti u ciaru ra pagghia ro matarazzu ,
I iaddrini ca caminunu e rucculianu ,
A mamma to’ ca sta m’pastannu u pani na maidra ?
Scemu fora manu cu manu
Chi pararisu di campagna !
U celi è iancu,
U suli spacca i petri e l’’ossa di chi sta
zappannu.
Chi ciauru d’ariuni nesci mentri ca curremu
Ci su sulu petri ianchi,
n’ arburu d’ alivu tuttu stortu,
nu carrubbu ca naca pi svintuliarisi.
Nun è chista terra d’abbunanza !
Ma senti u ciatu so no to cori
E nun ta poi scurdari
|
