|
Camìnu sulu ppi la campagna,
vaiu circannu li ciuriddi saravagghi,
chistu è lu sa tempu giustu,
quannu cumparinu ‘mpruvvisi
‘nto menzu ri la terra spirduta,
unni i cristiani nun ci mettunu peri.
Allatu liami ppi putiri passari,
stannu attentu unni posu i peri
e ri bottu mi li trovu sutta l’anchi,
li stava quasi ppi pistari,
cumparinu e scunparinu
sutta l’uocchi miei stanchi.
“Talé chi ssu nichi,
talé chi ssu beddi,
su n’amuri ri taliari…”
e mi giru a li me spaddi
ppi vidiri l’uocchi tuoi filici
e séntiri la to vuci allegra,
ma tu nun ci si chiui!
|
