|
Macari a mia
ava tuccari stu mumentu
A mia, ca ancura pensu e nun sugnu prontu.
Riccu sulu di n’ amuri trasparenti
I beddi tempi mi li scurdai ritornamenti.
Accussì, forsi, nunn’ aieva annari
Centu pinseri la ma testa fannu sudari.
Ricuminciari, certu, sempri ricuminciari.
I megghiu tempi, ‘ntantu, continuanu a passari.
Senza capiri comu, ddu iornu di Natali
Tutti cosi la vucca mia ti vosi diri.
Iu nun mi lu spiegu picchì lu potti fari.
Nenti però si fa sulu p’ accummitari.
Allura cumincianu tempi incerti.
Pi l’ amuri do carusu dicidisti di campari.
A tutti i dibulizzi rispunnisti a brazza aperti
Li pinseri ‘’chiusi’’, co tempu, facisti
alluntanari.
Appoi si visti u suli. È l’ alba finalmenti…
Zampilli d’ acqua ripigghiarunu a sgricciari.
Zelu e mieli quannu passi ammenzu a genti.
Occhi di lucenza mi turnarunu a taliari.
Lu ma distinu, perciò, cu sti paroli ti voli
ringraziari,
Ora è tempu mamma, ora pozzu vulari. |
