|
Parrari di Bucchieri e commu ballari senza
musica,
LA VALLE DELL’ANAPO
Scurri 'nciumi vicinu Buccheri c'avi pi nomu
Anipu
e campa tra biddizzi sarvaggi
tra rocci scavati ro tempu,tra milli e milli
culura.
L'acqua c'à passatu pi mill'anni
no silenziu a raccamatu
rutti e cuticciuna assai perfetti.
A latu di stu ciumi sunnulentu
dormunu i platini e accantu
virdi ginepri e sempri rigugliusi.
Na costa Ianca e rosata
s'aggrappunu satareddi e saraviuni
cu ciuri allegramenti spaparati.
Anticcia ciù supra cumparunu i lecci
ca s'annacunu lenti ciusciati do ventu.
Ciù sutta do uoscu ci sunu liani alliati
e rosi i San Giuanni ca parunu pittati.
Ascuta a mia, vacci e dopu ca t'à inciutu l'uocci
t'adduni ca ti sienti rilassatu
picchì ti fai cummintu ca chiddu ca criatu
è sulu iddu, Diu Sacramintatu.
|
