|
Ma’ figghiu t’attruvò ‘na matinata
attaccata a ‘n cassunettu d’ ‘a munnizza:
nica, trimanti, sula e ‘ntimuruta,
e ti cancjau u distinu: da morte ... a
cuntintizza!
‘Na bastarduzza sì, niura e pilusa,
ca fusti i nica scippata di la mamma
e, forse, pì jocu, rialata a ‘na carusa
ca nun vose, o nun putia, tiniriti a so casa.
Ma cchiù bastardu i tia fu u cori ‘nfami, ca a
forza appi
i nun taliari l’occhi to ri meli,
mentri strinceva forti tutti i ruppi
da corda ca ti ‘ncatenava i peri.
Ma u sai chi dico jo
a lu bastardu ca t’abbannunau?
Razie bastardu! Dda nica , chidda ca tu mancu
vulisti,
ora è cu mia e mi duna l’amuri e l’amicizia ca
tu nun miritasti,
e m’addunmanna, ’n cancju, sulu ‘na carizza,
inchennu u cori miu di gioia e di ducizza.
|
