|
Taliu da lastra da finestra ,e n’ta strata passa
na cristiana, cu n’fazzulettu i sita n’ta testa.
N’toccu di campana, sona u vespru, Avi’mmaria.
Si viri ca cerca a bbinirizioni,
pirchi‘ và a missa ca sona a Sant‘Antoni.
Du fimmini a bbraccettu ca scinnunu e fanu
gesti, cusà chi discurso ca hianu pe manu.
Chianu chianu u sciatu mia appanna a lastra da
finestra e
du carusitti assittati n’to curtigghiu ,aspettunu
ca è pronti na minestra.
A mamma é anchiffarata e pacinziusa talia u
raloggio ppi taliari l’ura
e co tizzuni n’ta manu scufunia painu u luci da
tannura.
Mi sentu ammiscatu di chi succieri n’ta strata .
Ma, nun m’interessa !
Curiusu. No ! Ma cercu i culuri ca s’arriminanu
n’ta testa. Chi fantasia !
Biancu o luoti ca é russu. Ah si . !
Ura ci penzu. É virdi. Pirchi’ é chiddu da
spiranza. É chiddu da pacenzia, é chiddu do
Signuri
cà ni duna Amuri a tutti l’uri.
Chianu chianu u sciatu miu m’appanna l’uocchi,
e a manu ritta passa n’ta lastra da finestra. É
acqua, e lavu tutto.
Mi scordu de culuri, e macari iu’.
Vaiu a pigghiarimi a bbinirizioni, n’ta Chiesa i
Sant’Antoni
|
