|
Siritina di Lugliu caura e senza luna
Mi mettu a furriari casa casa
Pi vinciri a malincunia.
‘Nfunnu ‘n casciolu trovu na vecchia fotografia.
Nu sceccu niuri ca ricchi longhi,
‘n picciottu ca cammisa ianca e i manichi
arrutuliati.
“ Cu sunu ? “ spiu curiusa a zia Rusina,
“ U ziu Nuzzu co so sceccu pazzu ”
Mi cuntò ro sceccu ca sulu ro ziu si faceva
cavalcari
Na campagna arsa ro suli ra stati
E china di ventu e gelu no ‘nvernu
Omu e bestia co stissu distinu.
Ma quannu l’unica machina ro paisi passava
U sceccu cuminciava a curriri comu ‘n dispiratu.
Sulu curreva e sempri a superava
E poi turnava na so stadduzza.
Poviru sceccu ragiunava megghiu di tanti omini
‘ntilligenti.
A scienza po’ curriri quantu voli
Ma u cori vinci sempri!
|
