|
Cuann’u cielu si fa scuru
Cuannu trona suoninu a tammuru
Cu fuj di cca, cu fuj di dda
Ogn’arunu ‘nzocca voli fari , fa!
U puliticu i mistieri penza
E si javus’a simenza
Pi ciantalla cuannu scampa
E daccapu u suli abbampa
U puliticu i quattieri si nni futti
Tantu minti tassi a tutti
Co cunzienzu ro guviernu
Sia di stati ca d’inviernu
Tassi pe casi, spazzatura
Gabbinettu e tubbatura
Senza limit’i cuscienza
Anu persu la dicienzia
Cu la scusa di la crisi
Li gabbelli sunu misi
Nun’n’ammanca lu pritiestu
Ro Cumuni co dissiestu
U prufissuri…re Muntagni
Pi cummigghiari i macagni
Re pattiti fu ciamatu
Po guviernu di lu Statu
Na magnifica ‘mpiattata
I maccarruna ca frittata
Mentri fora A.B.Ci
Fanu sulu chicchirichì
A bbinzina senza frenu
U travagghiu sempri menu
E pi tutta la risposta
Cini i tassi senza sosta
E sturienu ‘nta nuttata
A pinzioni rimannata
A fittina rincarata
E bulletta cciù salata
Cu sta bedda miricina
C’assumigghia a stricnina
U malatu tutt’a bbuottu
Cari comi ‘mpiru cuottu
Attinzioni…….prufissuri
Se si stuta lu muturi
Mentri staj surpassannu
Rischi di fariti nu ddannu!
|
