Cent'anni passaru
e parunu ‘n ciatu
Comu ‘n carusu
ca curri, t'ammutta
e mancu ti saluta
si 'nni iu stu tempu
Comu nu ventu friddu
passo' 'mmenzu a i capiddi
e ci puso' la nivi
ora ca sugnu nu ramu siccu
senza fogghi ne mimoria
pocu m'arresta ri campari
e nenti m'arrivordu
(pausa)
Ma si mi fermu a taliari
l'acqua ca sciddica
'no ciumi ra me vita
chinu di fogghi morti
ancora viru l'occhi to beddi
comu si fussi aieri
e la to vucca di cirasa
unni si persiru i me vasi
Comu cent'anni fa
ti chiamu e si cu mia
amuri senza tempu
amuri ca vulasti via
|