PICCIRIDDA
Author: Giuseppe Mazzarella

ELENCO POESIE

Na cosa nica nica
e picciridda
ca a circalla apposta
nun s’attrova.
Cumpari ri buottu
supra ‘n ciuriddu
ca quasi nun la viri
si suca pianu pianu
lu mangiari
si rapi tutt’a cuorpu
li picciriddi ali
e ‘nta la schina
l’azzurru cumpari.
Ch’è strana la natura,
è ricca di particulari
ca fanu ri ogni criatura
na cosa magnifica e spiciali.