Talia talia lu suli ca la matina spunta di dà..
Eni stati e prestu iddu s’arrispigghia..
A stari curcatu lu firticchiu ci pigghia..
Megghiu curriri in celu cinu di filicità..
Talia talia ca senti cauro alla sanfasò..
Talia comu si ciuscia lu sdisanuratu..
Pari, a taliallu, nu signurinu azzitatu..
Ma tuttu lu cauri ca etta veni cà però..
Talia talia com’arrusti sta terra bedda..
Iddu in sicilia di cursa e di prescia veni..
Pari ca ci scappa ma è sulu cauru ca teni..
Talia talia però comu ci cauria li cirivedda..
Talia talia l’effettu ca iddu fa su li
cristiani..
Li cauria ca lu sangu ci sbuddi e diventa pazzu..
E a notti su cazzicatummula d’amuri na lu iazzu..
Allura lu suli pensa “ biniritti assai li
siciliani..”.
|