|
Di unni mi
voto voto
viru u sulu,
sia ca taliu nfacci i mia
sia ca mi giru a destra e a manca.
Si situatu di na conca
commu ntabarè:
i macchi de "Canali"
fannu d'ombrellu
a tutti chiddi
ca cercunu npocu i friscu;
s'assettunu di sutti e….
iucunu e carte,
parrunu di pinsioni
di aumenti, di festi:
quanti cose anu sintutu…!
Si putissunu parrari!
Spingiu l'uocchi e
nfacci a mia
m'apparunu tanti surdati
ca pari ca ta difennunu
da tutti i malintenziunati:
sunu l'alberi di Monte Lauru,
chiddi da "Pineta",
e chiddi do boscu di "S. Maria".
Si circundatu da tutti i lati
e l'aria ca ne fanu respirare
nun si po’ paiare
mancu a pesu d'oro.
Ogni tantu si sente nu rintoccu:
è u ralogiu da "Badia"
ca mi dici ca nautru quartu d'ura
da vita nostra
si n'annatu via
e allura pensu:
commu si po’ campari
luntanu i tia? |
