|
Nà matina all’impruvvisu,
me’ patri si fici stranu in visu.
Figghiolu mio,mi rissi:
ju sugnu lu raissi e cumannu tanti genti
ca vonu pani pi li so renti.
N’ta la battagghia t’aiu a purtari
picchi nu jornu tu a cumannari!
Lampi senza tronu e uocchi aperti
senza sonnu , chistu, virevunu,
ammensu all’unni
l’occhi mei chini d’affanni.
Viru ballari pisci lurdi di sancu
n’ta stu coppu,
pi la me natura, chistu e troppu.
Di li tunnaroti curaggiu e fami erunu l’ardura,
galleggiavunu li pisci n’ta la so svintura.
Figghiuzzu, nun chianciri,
chista è na cosa di li dei cumannata
nuddu n’terra po’ risceriri lu beni da lu mali.
Lu tunnu sapi di essiri vinnutu a feddi,
ma n’ta li riti cuntentu si jetta.
Ora ricci ‘mpatri nostru e
n’ave maria a sti gran signuri,
pi lo so istintu d’amuri. |
