|
Carizzi sunnu
chidd'i to matri
quannu ti dici 'Vatinni a scola
Nun'ssiri tistuni comi a to patri
ma pigghiti 'ndiploma e ppui... vola!
Sunnu carizzi chidd'i to patri
quannu t'anzigna ca na stu munnu
nun'c'è puostu sulu ppe latri
Cco travagghiu nun'si cciù vacabbunnu
L'amicu sinceru è chiddu sanu
ca nun'ti cecca pe to ricchizzi
Quannu hai bisuognu ti proi la manu
Chisti sunnu veri... veri carizzi
Quannu nu figghiu va fora strata
nun'ci taliari sulu i stranizzi
Passici anziemi menza jurnata
Dicci dda vita tutti biddizzi
Inci d'amuri sta rragghiunata
Picchì su carizzi! I miegghiu carizzi! |
