|
U terrazzinu i
ncasa mia sintiti chiddu ca arriniesce a farimi
viriri e cuntare
Nna stari specialmente e né mumenti cchiu vari
do iornu e da notti, mi fa nutari milli cose:
I carcarazzi ca fanu nu scrusciu ca nun si
supporta, pirchì cantunu e cercunu manciari e
materiali po’ niru;
I passarieddi ca s’assicutunu pi putirisi
accuppiari e ammentri fanu burdellu macari iddi
e peggiu de carcarazzi;
I iatti pari ca parrunu ntra igghi co masculu ca
pari ca prieia e a fimmina ca fa a superba, e
danu a mprissioni ca si sciarrinu, ma a fine
abbucca macari idda.
Nnè strati i machini fanu va e vieni e pari ca
ianu sempri primura;
I carusitti passunu che muturini e ammentri
parrunu e m’arriva l’ecu de discursi ca fanu;
Macari de cristiani ca si fanu a passiata e
appuoi s’assettunu nnà bbanchina m’arriva l’ecu
de discussioni.
U terrazzinu mi cunta macari quannu ci sunu i
iurnati ca chiuovi, e mi fa viriri u passarieddu
ca s’arripara sutta o ciaramiru e u iattu ca fa
miau pirchì cerca nu riparu;
Mi fa ascutari macari i cristiani ca parrunu
suli pirchì l’ombrello nunniripara bonu e sunu
tutti trapanati di iacqua e dicunu: chera bedda
a stari co beddu cauru;
Chistu ie u terrazzinu mia è iè na funtanella ca
scurre sempri e mi fà nutare tanti cosi e i
mumenti cchiù strani e diversi di tutti i iorni
dell’annu. |
