|
'N campagna
misi o' suli
all'ucchiateddha,
ddu' pattualli sanguigni,
'na cipudda
ogghiu ri chiddu nostru
ginuinu,
na pizzicata i sali,
sali finu.
'A fucchetta
fatta cu' la canna,
pani ri casa,
comu 'u faceva 'a nanna,
ca pi nunn'addivintari
cudduruni,
dopu 'mpastatu,
passatu r'o sbriuni.
'Na sbrinziata i pipi
i chiddu russu,
cosa r'allicarisi
lu mussu.
'Sta 'nzalata
si chiama nustrana,
pirchģ č 'nzalata nostra
sarausana |
