|
Di caruso haiu
nu ricordo na testa
di quannu ma nnonnu u furmentu ammiscava
ca petra celeste.
Co murtaru a pistava e cu l’acqua a squagghiava
e appuoi ca pala di spagghiare
co munsiegghu a tramiscava,
e mi dicia ca sirvia pi nun u fare ammuffire
quann’era siminatu,
pecchè a mmirnata sutta a terra avia a passare;
e quannu,a iurnava u tempo u laori spuntava,
ci cuminciaunu i travagghi pi purtarlu a iornu.
‘U zappuliava e ‘u scirbava e cu l’uocchi
u facia crisciri, picchè nunn’è sulu u cavaddu
c’angrassa cu l’uocchio do patruni,
criscìa macari u laori aspittannu
u mumentu giustu pi mirillu.
Doppu S. Paolo u ‘nfasciava regni regni
e no cozzu di Santa Caterina u purtava.
Nell’aria u pisava che muli e
cu tanta pacenzia,
aspittava ca facia tanticchia di ventu
pi putirlu spartere da pagghia
e accussì purtava n’casa,
pa famigghia e pe muli,
u mangiari pi tutta l’ammirnata. |
