|
Nasci, primma,
commu nu filu d’erba
ca ià bisognu do suli pi crisciri,
puoi, appicca appicca si fa chiù forti
e basta sulu ‘npocu d’acqua pi rinfurzarla.
Idda sboccia ‘mezzu e petri
nun si scanta né do ventu
né da tempesta, tantu è forti;
ogni tantu coccarunu
tenta di stuccalla,
ma tocca duru, picchì nun cià riniesci.
Se idda è vera ti fa tuccari u cielu,
c’è sempre quannu iai bisognu:
t’aiuta quannu chianci, quannu riri,
quannu soffri, quannu canti.
Stu filu d’erba ha divintatu na roccia
ca nuddu la po’ sgraggiari;
sai commu si chiamma?
Amicizia, caru mia,
e quannu truovi n’amicu,
tienatillu caru, picchi è na cosa rara
e spessu dura tutta na vita,
commu è successu tra tia e mia. |
