|
Già sulu a pinsari ca nun puoi mai truvari
nautru tesoru commu a
cchiddu ca custudimmu nui.
E ti pari nenti nu voscu ca ni circonna
e ca tantu beni ni fà,
pi nun parrari da tranquillità,
c’abbasta ca t’affacci do barcuni
senti i ucieddi ca cinguittiunu,
i cani c’abbaiunu
e macari ca ogni tantu passa n’muturi ca fa
scrusciu
pensi ca tantu è cuistioni di n’mumentu
e subbutu tuttu torna commu primma.
Appuoi, pi nun parrai do patruni do paisi
ca ni qualsiasi puntu ti truovi
è sempri ddà ca ti talia.
E’ Sant’Antoni
ca a ni varda e ni pruteggi,
picchì basta ca t’alluntani tanticchia iddu è
ddà
ca t’assicuta finu all’urtumu mumentu.
A stissa cosa quannu arrivi,
di qualsiasi puntu tu vieni
iddu è ddà ca pari ca ti dici
“Arrivasti o paisi”.
Specialmenti quannu arrivi do ciffittu,
a primma cosa ca viri è iddu
ca pari ca t’arrapi i prazzi
e ti da u benvenutu.
Ti batti forti u cuori
e nun viri l’ura d’arruvari.
Quannu arrivi a Marunnuzza
ti fai u signu da cruci,
n’suspiru di sullievu e pensi:
“Quantu è beddu u paisi mia”.
|
