|
Scinnia ra
muntagna ccu quattru picureddi
Era siccu siccu ca parėa nu palu senzapeddi
Frischiava 'nta cannuzza che pirtusa
na lonca canzuni aruci e miludiusa.
Unni passava tuttu canciava culuri
mentri l'aceddi facienu all'amuri.
Lu cani d'arrieri stapėa a vardari
mentri lu jornu s'inniva a calāri.
Lu suli taliava, arriria e cuddāva
e ccu li stiddi abbrazzatu parrāva.
"Sugnu cuntentu di dari ripuosu
a stu picciuottu beddu e virtuoso
La so jurnata l'ha cunsumatu
po so travagghiu sempri anuratu
Nunn'č riccu ma sempri avi gioia
Nun cunusci duluri, ne noia
Sulu, senza patri, senza matri,
a vita e a sfurtuna fuorru latri,
talia u cielu e prea u Signuri
c'a tutti l'uomini dassi l'amuri,
c'ogni guerra fussi a finėri,
c'ogni putenti putissi capiri
ca na stu munnu simu pusāti
e da l'Eternu simu vardāti!
Sōna ancora, pastureddu!
Canta ancora lu sturneddu
Miegghiu ri tia nun'c'č proprio nissunu
p'addumannari lu giustu pirdunu!
Sulu cu 'nterra ha beni vissutu
ro Patrinostru po siri sintutu" |
