|
Pigghia na
muntagna
ccu lu sangu nni li cianchi
e la bava nni la ucca.
Pigghia sti muntagni
ca sunu figghi ri li Dei
iddi li chiamarunu Iblei.
Sulu cca si senti stu ciauru nni l’aria,
st’aroma nni li naschi
ri timu, lavanda meli e zagara rogni ciuri.
Sulu cca ogni fighiu ca nasci è bbeddhu,
la so terra ricanusci
e cca torna cu la menti se fora nesci.
Ogni Paisi fa sunnari, ri sonni tranquilli i so
abbitanti
cantannuci na nenia ri campani macari i notti
e ppi ogni festa di stissi campani fanu
arrizzari i carni pinsannu e santi.
Chista terra è nu triangulu
ri terra, cielu e mari,
triangulu ri spini, sangu e duluri,
sta terra jetta lacrimi fra odiu e amuri.
Sicilia terra ri lu me cori. |
