|
Torna lu
massaru d’a campagna,
stancu p’’o travagghiu d’a jurnata.
U sciccareddu è caricu e arragna.
Macari u suli pigghià a so’ calata.
I curbieddi sunu chini di uliva:
s’ha fari l’uogghiu, s’ha purtari ’nto trappitu.
I so’ figghi, ‘n trippu, aspettunu ca arriva,
e a mamma fa signali cu lu itu.
Eccu, arriva, è chiù beddu di nu zitu.
Abbrazza i figghi e talìa a s’a mugghieri.
“Di stamattina jhà ca nun ti viru”.
“Signu cca, cuògghimi comu ‘n piru”.
“Primma portu a uliva ‘nto trappitu
e ammentri passu lestu d’o barbieri”.
U ciàvuru ‘i l’uogghiu friscu u fa ‘mpazziri,
l’ommu torna ‘n casa allianatu,
c’’a varba fatta e prontu puru a murìri,
appattà precisa, è tuttu calculatu.
A muola scaccia a uliva e niesci l’uogghiu,
u maritu scaccia a mugghieri e fa u ‘mprogghiu.
L’uogghiu di Bucchieri addivintà mundiali
picchì u massaru ci ‘u metti tuttu u capitali. |
