|
Vinisti l’annu
scursu, sciatu mia,
commu nu bammineddu ‘nti sta terra;
u suli, a luna e tutti li pianeti
finu nu giratunnu cu li rosi:
l’ erba divintà cchiù virdi,
l’ aria cchiù profumata;
tutti i ucidditti ntunarunu nu cantu
ca si diffusi commu na melodia.
Man manu ca criscisti, vita mia,
l’ uocchi tua, commu du ranni stiddi,
cuminciarunu a taliarisi ntornu
e cu ranni maravigghia
scuprirunu tutti i biddizzi di sta terra nostra.
ancura sì nica, gioia mia,
e iai tutta na vita davanti a tia
pi capiri quantu è ranni stu munnu
e quanti tesori iddu ci riserva:
l’ aria frisca, u suli ca ogni iornu
nasci e tracodda,
l’erba ca quannu è virdi
è commu ‘n tappitu ‘i sita,
l’acqua ca t’arrifrisca quannu senti cauru.
Ma riorditi, sciatu mia,
ca tuttu chistu dura
se simmu niautri a fallu durare,
se rispittimmu a terra ca scappisimmu
e nun facimmu nenti
pi falla divintari
na cosa ca nun servi.
Chistu t’arraccumannu , sciatu mia,
riorditi sempri chiddu ca ta dittu
a nonna tua
picchì si tutta a vita sua.. |
