|
Qual'é sta manu, attia ca ti trattieni?
forsi di ‘n vecchiu ca ti vuoli tantu beni.
Petri e muri ’nte spaddi tua dormunu queti,
tu ha’ vistu genti nasciri e vissuti.
Pusatu o riparu ’nti na conca ‘i luci
e araciu araciu ti chiuri commu i bbabbaluci.
A unu a unu vanu tutti luntanu,
e Tu, paisi, ti chiuri ’nti na manu.
I vecchi cu tia sù affizziunati
e i carusi nun capiscunu, nun su’ viziati,
amuri sti figghi tantu n’hanu aviri,
e ura ca fossi tempu di canciari.
Tu t’arrivigghi sulu n’a para ‘e misi,
a tempu de linzuoli o suli stisi,
occarunu ca ti vieni a truvari
a cuntu sua, do restu appuoi a partiri.
Ti usa e ti lascia cu n’filu di spiranza,
ihà tantu tempu ca tu fai pacenzia.
Vulissitu c’avissinu a turnari
pi dari aiutu a cu n’avissi aviri,
st’aiutu avissi a’siri macari ppi tia,
d’aviri a genti tutti n’ casa tua.
Tinilli ’nti sta manu, intra o Paisi,
’nto mmernu e a tempu di linzuoli stisi.
|
