A matina, mi
piaci assittarimi nnò terrazzinu
e taliari tuttu chiddu ca succieri,
ura anfacci i mia, ci sunu stì giganti cu l’elichi
ca firricunu,
e tutti - bucchirisi e frustieri ca i virunu -
dicunu ca era miegghiu ca nun ci mittievunu.
O forsi sunu miegghiu i pali da luci i cimento,
ca a Bucchieri
ci ni sunu cchiassai i cinqucentu?
Ammenu stì giganti sunu silenziusi,
e macari ca ogni tantu…ci girunu i …pali,
nun danu fastidiu e soprattuttu nun fanu mali.
A muntilauru avimmu ducentu ntinni ca parimmu
nta NASA,
e ppi telefunari cu e cellulari amma a niesciri
i ncasa.
L’uocchi mannanu ntò muru
e visti n’esercitu i furmiculi ca facivunu cala
e chiana
co manciari nta ucca
e cu sa se purtavunu macari a frutta
e a vuogghia i sparpaglialli, sbandavunu n’
sacunnu
e appuoi ricuminciavunu a firricari tunnu.
Avievunu avutu ordini precisi,
di inchiri u ripustigghiu ammenu pi tri misi.
Navissi ancura cosi i cuntari, ma si fì tardi
E nun vi vuogghiu annuiari. |