|
Caminu sulu
pirchì nun mi pò sonnu,
mi fanu cumpagnia u scrusciu de passi
ca battunu ‘nta via.
Tagghiu a strata ranni e chianu pa Lifisa,
l’aria e accussì frisca,
Bucchieri dormi, sonna e s’arriposa.
Scinnu pe Canali e pigghiu a strata a Farca,
e ancontru due jattitti ca sunu nnammurati.
Giriu da Cappilluzza vaiu darrieri e casi.
È l’alba! E u cielu,
è ’n mmari di culuri ca si specchia
’nte lastri de barcuni e ’nte finestri da Badia.
Che bbeddu!
Mi sentu stanco! Ura m’arriposu,
mentri l’acidduzzi cantunu
pi fari durmiri ammia. |
