|
Vulissi siri
n’acidduzzu
p’abbulari finu a to casa
e tuppuliari a la to finestra,
cantariti na melodia a sira
mentri t’addurmisci,
arruspigghiariti a matina
cu lu canto ri lu tricignolu.
Vulissi siri na farfalla
ppi sbulazzari attornu
o chiù beddu ciuri
ri tutta la me vita
e siri taliatu
ri l’uocchi tuoi lucenti.
Ma sugnu sulu nu pizzenti,
n’ominu tintu
ca nun è capaci ri nenti,
mancu ri ririti nta facci
lu beni ca ti vogghiu.
Sugnu sulu capaci ri scriviri
E sfardari ra lumera l’uogghiu. |
