|
Chiddu ca ma
riuordu , ri quann'eru 'nicu
era ca stavu na na strata nova ,
e ne tirrina o quantu , ficupali e ficu
ca li iaddini ci ieunu a fari l'ova.
A strata era lonca e ditta
paria ca nun finia mai ,
quantu voti l'aju fatta tutta
ca magari a zita ci trovai.
Ci staunu tanta jenti na sa strata
ri iournu , tutti a travagnari
e quannu a sirena facia a sa sunata
tutti a casa , a ciaita che cummari.
C'erunu tanti vicciariddi no vicinatu
muru cu muru ron Turiddu , ma riuordu senza
rienti
ron Paulu ra Tanedda i lautru latu
i ma nonni e ronna Raffiela a suliccenti .
Tanti cosi c'erunu ri fari na jurnata
a vaddia o niggju ri ma nanna
fari li cussi pazzi na calata
iri o cuozzu a farimi a capanna .
E puoi tutti i ma cumpagni
Nuccio , Santu , Pippu e Savvatore
quantu voti a mu iutu pi campagni
quannu ci pienzu ma batti u core .
Chi tiempi caju passatu na ssa strata
Pauluzzu , ma matri mi ciamava
trasi rintra , nun pignari pa calata
subbitu a lavari , appena mi 'gaggjava .
Ora ca sugnu ranni e staju luntanu ,
ogni tantu , a strata mi la suonnu
Santu , Pippina, Pippu , Nanu
stativi cueti , tantu tuonnu. |
