|
N’gniornu m’affacciaiu
da finestra di matina prestu,
m’arrivava n’vinticieddu friscusu e fino nta
facci,
ca dda sunnulenza ca avia n’coddu si n’annà
subbutu
commu se iu era susutu do liettu da n’eternità.
Nun si sintia nenti, sulu ocche ucueddu ca
cantava
E ocche vota na machina ca passava.
Paria di stari n’pararisu!!
Ma cchiu tardu ancumincià a passari ocche
vicchiaredda
ca si facia a passiata, cu ddi tacchi e ddi uci
sfasciaunu u silenziu ca c’era.
All’ura i manciari si sintia n’ciauru ca niscia
di n’casa de genti,
ca t’arrapia subbutu l’appetitu.
Doppu manciari, nun si sintia mancu na musca
vulari, tuttu calmu,
i vicchiareddi durmiunu a sonnu chinu,
ma e siei e menza s’arrisbigghiaunu picchì
sintiunu i campani da Matrici sunari
e si priparaunu p’annari a missa e nun fari
tardu.
A fini da missa sa cunnuliaunu caminennu pianu
pianu e facennu lonchi duscursi,
ma appuoi s’arriurdaunu de mariti ca erunu
n’casa ca aspittaunu a iddi pi manciari
e accussì s’arritiraunu tutti e doppu manciatu
s’annaunu a curcari.
Chista è a tipica iurnata de Vicchiareddi
Bucchirisi |
