|
C’e nu’
trisoru a miezzu di lu mari, è la Siclia mia,
terra d’amuri, di pueti, d’ingignusi, di
cunduttieri,
madri di Ducezio e d’Archimede, di lu girgintinu
e lu mudicanu, grandi pueti. Tri santi fimmini,
pruteggiunu li grandi paisi, Rusulia, Agata e
Lucia.
Terra virdi e ciaurusa, di giardini e di ciuri è
tutta china, di luntanu si vidi Mungipieddu,
cu’ la so’ nivi e cu’ lu so’ fuocu, è comu
nu’ giganti, ora manzu, ora arrabbiatu.
Quannu si criau st’isula filici, lu iornu
dissi- iu ci miettu li ciuri, l’erbi e li
frutti-.
La luna ci dissi- iu ci miettu li stiddi, lu
mari
cu’ li spiaggi d’oru-. Lu suli ci dissi-
iu ci miettu li fimmini beddi e calurusi,
comu sugnu iu-. Ammucciatu c’era
lu mali nvidiusu, ca dissi- nun la puozzu
lassari
accussì bedda. La notti ci misi li mali gghienti,
cussì ci furunu la mafia e li briganti. |
