|
Spinci a
testa, sicilianu
ca de Vespri si nu figghiu!
Di na storia di luntanu
ca fu sinnu di curagghiu!
O francisi priputenti
rispunniu ccu veru ardùri
tuttu u puopulu valenti
ca sirbava gran rancùri.
Siricianni ni ‘mpunierru,
dduoppu u regnu i Federicu,
ccu lu taccu e ccu lu fierru,
lu putiri cciù nnimicu
do re Carlu a Missina
tutta a corti Angiuina.
Li paisi ‘mpuvirtà
senza pani e libbirtà.
O trintunu, o tierzu misi,
a faidda fu addumata
da lu sdiegnu ro francisi
a na fimmina spusata.
Di Paliermu a Curliuni
‘nte campagni e finu o strittu
fu scannatu ro liuni
lu stranieru malirittu!
Chistu fattu veni a nnui
ro ducientuottantarui
Ppi ‘mprimirini ‘nta menti
ca mai vinci u priputenti
si lu sancu di li patri
addifenni a terra matri! |
